عروسه لعبه
رجعت بصيت تاني للعروسة، و مشيت بأطراف صوابعي على عينيها، و فضلت اضغط عليها جامد..
لاحظت خروج بعض قطرات الد’م من عينيها، فمسحتها بسرعة عشان ندا متاخدش بالها، و طلبت منها تسيبني اخدها البيت و ما.تجبش سيرة لأي حد بالذات زميلتها اللي اديتها العروسة، طبعًا خدت اللعبة دي من ورا سفيان عشان متعلق بيها جدًا.
روحت، دخلت أوضة و قفلت عليا الباب عشان لو أي حاجة حصلت محدش يتأ’ذي غيري.
حطيت العروسة اللعبة على كرسي قدامي و قعدت قدامها ابص لها و ادقق النظر فيها، على أمل يصدر منها أي حركة تساعدني في التحقيق اكتر.
تنهدت و أنا برجع ضهري لورا و بسألها سؤال عابر:
” إيه حكايتك؟”
بس جو حركات الأكـ’شن ده بتاع الأفلام الر’عب مظهرش.. العروسة فضلت زي ما هي عادي متحركتش.
اتصلت على ندا اسألها عن تفاصيل اكتر عن زميلتها دي؛ لأني نسيت اسألها هناك.. ردت و قالت لي:
” أنا أعرفها من سنتين معايا في المستشفى، الأول مكنتش بتحبني بسبب ظروف كدا، بس بعد كدا بقينا صحاب و بتحبني جدًا و بتحب سفيان أوي، بس هي «هند» عىلاقتها إيه بالموضوع بتاعنا يعني؟! ”
مرضتش أقولها إني شكه في هند دي إنها واحدة مش تمام و وراها سر، فا رديت:
” بسأل عادي يعني، بس هي مكنتش بتحبك ليه؟! ”
” كان موضوع كدا قديم و راح لحاله، هند كانت مخطوبة لجوزي قبل ما يتجوزني، و كانت بتحبه أوي بس تصرفاتها مكنتش عجباه وهو مرتحش نفسيًا ففسىخ الخطوبة، ده موضوع عدا عليه يجي خمس سنين، بس دلوقت إحنا سمنة على عسل ”
” و مين قالك إنه عدا يا ندا؟ القلوب السودة مش بتعدي بسهولة، و بترجع تنتقـ’م ”
” تقصدي إيه؟ ”
” ولا حاجة، لما أوصل لجديد هكلمك ”
قفلت معاها و رجعت أفحص العروسة تاني، كنت حاسة إن فيها حاجة غريبة، جبت مق\ص و قررت افتحها و أعرف جواها إيه.. حتى أطمن شوية، بس واضح كدا إن مفيش اطمئنان!
فتحتها و الحمدلله إني اتصرفت بسرعة و فتحتها!
طلعت منها صورة.. للأسف صورة ندا و جوزها و ابنهم سفيان، الصورة مكتوب عليها حاجات غريبة و كلام يو’جع.. زي
( مر’ض، عدم توفيق، فشـ’ل، سر’طان، طلا’ق، مو’ت.)
فضلت أحسبن على هند، طلعت زي ما توقعت، عاملة لهم عمل على صورتهم و حشياه في قلب العروسة.. عروسة لعبة اتعملت مخصوص عند دجا’ل عشان يهد’م الأسرة الجميلة دي.. كل ده بسبب الحقـ’د المدفىون في قلب هند لمدة خمس سنين! بجد حسبي الله ونعم الوكيل في اللي يخىون الصحوبية و العشرة و في المؤ’ذي اللي بيد’مر الناس اللي وثقت فيه.
اتصلت بندا بسرعة اقولها على اللي لاقيته، ردت وهي منها’رة و بتعيط:
” أنا في المستشفى يا نور.. سفيان وقع عليه زيت مغـ’لي ”
اتنفضت مكاني من الخضة و الخوف على ابنها، و بسرعة طلعت على المستشفى، و خدت معايا الصورة و العروسة، مكنتش عارفة اتصرف ازاي ولا أعمل إيه! هل احر’قها ولا ليها نظام معين لابطال مفعول العمل! أنا في اللحظة دي تايهة و مش بفكر غير في سلامة سفيان المسكين.. يارب يلحقوه يارب.
أول إما وصلت المستشفى، لقيت ندا من\ها’رة على الأرض بتعيط جامد ومعاها حما.تها و سلايفها، و جوزها جنبها حاطط ايده على وشه و بيعيط بصوت مش مسموع، اللي لفت نظري إن «هند» لقيتها هناك.. كانت جنب ندا بتواسيها، سمعتها بتقولها:
” الله يرحمه يا ندا، ربنا يعوضكم يا حبيبتي “!
