ازاي ضيعت مستقبل ابني بمكالمة تليفون واحدة

ازاي ضيعت مستقبل ابني بمكالمة تليفون واحدة
يقول صاحب القصة
ابني جوردن كان عنده 17 سنه لما بدأ يجيب معاه البيت حاجات غريبة الأول جاب كوتشي جديد وسعره غالي ولما سألته جاب فلوسه منين قالي دي من الفلوس اللي جمعها في عيد ميلاده لكن عيد ميلاده كان من 8 شهور وانا كنت عارف بالظبط هو كان معاه أد ايه
بعدها لقيت لفة فلوس كلها من فئة عشرين دولار 300 دولار محطوطين في أستك البنك ولما واجهته قال إن أصحابه كان عليهم فلوس مقابل جز العشب وانا متأكد إنه أصلا مبيعرفش يستخدم ماكينة قص العش من أساسه
بدأ يرجع البيت في أوقات غريبة يفوت وقت العشا درجاته نزلت من B ل D والمدرسين بعتوا تقارير بغيابه أنا ماكنش عندي فكرة عنها سألته هو كان فين معجبهوش ودخل أوضته ومرضاش يطلع

أسوء جزء إني كنت شايف إنه بيتغير ابني الذكي أبو ډم خفيف بقى بارد بقى يتعصب على اخته لو طلبت منه تلعب معاه ع البلاي ستيشن بيهبد الباب بطل ياكل معانا
أنا وأمه جربنا كل حاجة اخدنا التليفون منعناه من الخروج مفيش حاجة أثرت كان بيبرق لنا وكأننا مجانين وبيقلب وشه علينا كل ما نحاول نتكلم معاه
وبعدها جت الليلة اللي غيرت كل حاجة كنت بغير الملايات بتاعة سـ,ـريره وحسيت بحاجة جامده تحت المرتبة قلبي وقع لما سحبت الحاجة دي وطلعت مسـ,ـىدس أسود قعدت على السـ,ـرير ماسكه وانا بترعش ده ماكنش لعبه والا مسىدس صوت ده كان حقيقي تقيل ومتلقم
لما جوردن رجع بالليل في نفس اليوم كنت مستني في المطبخ وحاطط المسىدس على الترابيزه أول ما شافه وشه اصفر سألته جبته منين
رد وقالي مش بتاعي أنا شايله أمانه لواحد صاحبي
سألته تاني مين رد وقالي انت مش هتفهم الموضوع

قولت له جربني هز راسه وحاول يمسك المسىدس بس أنا سبقته ومسكته سألته جوردن ايه اللي بيحصل أنت واقع في مشكلة
رد وقالي بابا رجعه وخلاص انت كده مكبر المشكلة
في الوقت ده حسيت إني خلاص بخسره ده إن ماكنتش خسرته بالفعل تاني يوم الصبح عملت الحاجة اللي هندم عليها للأبد
كلمت تومي مارتيناز ظابط كنت بدربه لما كان صغير ولما كبر بقينا أصحاب كان طفل كويس ولما كبر بقى ظابط كويس قولتله إني محتاج مساعدة ابني ملموم على ناس مش

كويسه معاه مسىدس أنا بس عايزك تخوفه
تومي فضل ساكت مده وبعدها

سألني عايزني أعمل ايه بالظبط قولت له وقفه وفتشه وحسسه إنه هيروح السچن خليه يشوف إيه اللي ممكن يحصل لو فضل على حاله ده حطيت المسډس في عربية جودرن من غير ما يعرف وبلغت تومي بمعاد نزول جوردن للمدرسة واديته رقم لوحة العربية
كان المفروض إنه يبقى إنذار درس تومي هيلاقي المسىدس يدي لجوردن كلمتين ويقوله العواقب وبعدها يسيبه يمشي ومعاه تحذير بس اللي حصل غير كده
تومي اتصل بيا بعد ساعتين من نزول جوردن وكان صوته متغير وهو بيعتذر وبيقول أنا أسف كان لازم اقبض عليه بجد ماكنتش فاهم ازاي يعني
بس اللي حصل إن الرقيب بتاع تومي كان معدي من نفس المكان وماكنش ينفع بعد ما تومي فتش ولقى مسىدس مع

جوردن إنه يسيبه يمشي من غير ما يقبض عليه لأن ده كان ممكن يكون السبب في رفده
حسيت إن قلبي وقف وسألت هو فين وعرفت إنه اترحل لسجن الولايه عرفت من تومي إنه غالبا هيكون تحت المراقبة بس بما إن دي أول مرة تحصل بس اللي وجعني فعلا لما تومي قالي إن جوردن عارف إن أنا اللي حطيت المسـ,ـىدس في العربية وبلغت عنه
تاني يوم روحت استلمت جوردن من سجن الولاية ماكنش عايز يبص لي لما كنا في العربية واحنا مروحين أخيرا أتكلم انت اتصلت بالشرطة تبلغ عن ابنك
حاولت ادافع عن نفسي واقوله إني كنت عايز أساعده وإنه كان معاه مسىدس وإنه كان بيكدب جوردن قالي إنه كان بيحمي نفسه من ولاد في المدرسة بيحاولوا يأذوه والا عمره أذى أي حد وإن أنا كنت السبب في القبض عليه
القضية فضلت شهور في المحكمة وفعلا اتحكم عليه بالمراقبة والخدمة الاجتماعية بس وللسبب ده خسر نص السنه

الدراسية الأخيرة بتاعته وخسر مكانه في فريق كرة السلة في المدرسة وطبعا خسر عروض المنح الدراسية اللي كانت معروضة عليه
يوم ما كمل 18 سنه ساب البيت ومشي ومرضيش يقول لنا هو رايح فين قفل رقم تليفونه وأي وسيلة ممكن توصلنا بيه ولمدة 5 سنين مكناش نعرف عنه أي حاجة والا بيتواصل معانا بأي شكل لمدة خمس سنين ماكنتش اعرف ابني عايش والا جراله حاجة
عيد الميلاد اللي فات اتصل بينا أخيرا عرفنا إنه متجور وبيشتغل شغل محترم بس
لما سألته لو سامحني قالي انت اخترت الشرطة على ابنك ازاي ممكن اسامحك في حاجة زي دي
احاديث تيكتوكيه